Sleuth

ಸ್ಲೂತ್ ಸಿನೆಮಾ ಆಂಥೋನಿ ಶೆಫರ್ ಎಂಬ ಜ್ಯೂ ನಾಟಕಕಾರನ ಶ್ರೇಷ್ಠ ಮತ್ತು ಜನಪ್ರಿಯ ನಾಟಕಗಳಲ್ಲೊಂದು. ೧೯೭೦ ರಲ್ಲಿ ಬಂದ ಈ ನಾಟಕ ಟೋನಿ ಪ್ರಶಸ್ತಿಯನ್ನೂ ಬಾಚಿಕೊಂಡಿತಲ್ಲದೇ ಲಂಡನ್ನಿದಾದ್ಯಂತ ಅಪಾರ ಜನಪ್ರಿಯತೆಗಳಿಸಿತ್ತು. ೯೦ ರ ದಶಕದಲ್ಲಿ ಈ ರಂಗಪ್ರಯೋಗವನ್ನ ಬೆಂಗಾಲಿ ಭಾಷೆಗಿಳಿಸಿದ ಸೌಮಿತ್ರ ಚಟರ್ಜಿ ಮತ್ತು ಕೌಶಿಕ್ ಸೇನ್ ಇದನ್ನ ಟಿಕ್ ಟಿಕಿ (ಹಲ್ಲಿ) ಎಂಬ ಹೆಸರಿನಲ್ಲಿ ಜಗತ್ತಿನಾದ್ಯಂತ ಪ್ರದರ್ಶಿಸಿದರು.

೧೯೭೨ ರಲ್ಲಿ ಸ್ಲೂತ್ ಚಲನಚಿತ್ರವಾದಾಗ, ಅಂಥೋನಿ ಶೆಫರ್ ನೇ ಚಿತ್ರ ಕಥೆ ಬರೆದ. ೧೯೭೨ ರ ಹಿಚ್ ಕಾಕ್ ನ ಥ್ರಿಲ್ಲರ್ ಫ್ರೆಂಜ್ ಗೂ ಇವನೇ ಚಿತ್ರಕಥೆ ಬರೆದದ್ದು.

ಸ್ಲೂತ್ ಅನ್ನ ಮೊದಲು ಬೆಳ್ಳಿತೆರೆಗೆ ಇಳಿಸಿದವನು ಜೊಸೆಫ್ ಮಾಂಕವಿಜ್. ಶೆಕ್ಷಪಿಯರ್ ಸಿನೆಮಾಗಳಲ್ಲೇ ಅತ್ಯುತ್ತಮವಾದದ್ದು ಎಂದು ಪರಿಗಣಿಸಲ್ಪಟ್ಟ ೧೯೫೩ ರ ಜೂಲಿಯಸ್ ಸೀಸರ್ ನ ನಿರ್ದೇಶಕ ಕೂಡ ಇವನೇ. ಸ್ಲೂತ್ ಮಾಡುವ ಮೊದಲೇ ಈತ ೧೯೫೦ ರಲ್ಲಿ ’ಆಲ್ ಎಬೌಟ್ ಈವ್’ ಎಂಬ ಚಿತ್ರಕ್ಕೆ ಆಸ್ಕರ್ ಕೂಡ ಪಡೆದಿದ್ದ.

ಕೇವಲ ಎರಡೇ ಪಾತ್ರಗಳು ಇಡೀ ಚಿತ್ರವನ್ನ ಹಿಡಿದಿಡುವ ಈ ಅಸದೃಶ ಸಿನೆಮಾದ ಹಿಂದೆ ಈ ಇಬ್ಬರ ಶ್ರಮವಲ್ಲದೇ, ಆ ಪಾತ್ರಗಳಲ್ಲಿ ಅಭಿನಯಿಸಿದ ಇಬ್ಬರು ಮಹಾನ್ ಬ್ರಿಟಿಶ್ ಕಲಾವಿದರ ಕೊಡುಗೆಯೂ ಇದೆ.

ಮೈಕೆಲ್ ಕೇನ್ ಮತ್ತು ಲಾರೆನ್ಸ್ ಓಲಿವರ್ ಆ ಇಬ್ಬರು ನಟರು.

ಇದಾದ ೩೫ ವರುಷಗಳ ನಂತರ ಕೆನ್ನೆತ್ ಬ್ರಾಂಗ್ ಸ್ಲೂತ್ ಚಿತ್ರವನ್ನ ಪುನಃ ತೆರೆಗೆ ತಂದ. ಈ ಬಾರಿ ಲಾರೆನ್ಸ್ ಓಲಿವರ್ ನ ಪಾತ್ರವನ್ನ ಮೈಕೇಲ್ ಕೇನ್ ಮಾಡಿದರೆ, ಕೇನ್ ನ ಪಾತ್ರವನ್ನ ಜೂಡ್ ಲಾ ಎಂಬ ತರುಣ ನಟ ಅಭಿನಯಿಸಿದ್ದ. ಸಮಕಾಲೀನ ಸಂದರ್ಭಕ್ಕೆ ಪಾತ್ರಗಳನ್ನ ಒಗ್ಗಿಸುವಲ್ಲಿ ಸಾಕಷ್ಟು ಮಟ್ಟಿಗೆ ಸಫಲನೂ ಆದ ಕೆನ್ನೆತ್ ಈ ಚಿತ್ರಕ್ಕಾಗಿ ಮಿಶ್ರ ಪ್ರತಿಕ್ರಿಯೆ ಪಡೆದ.

ಈ ಎರಡೂ ಚಿತ್ರಗಳನ್ನಿಟ್ಟುಕೊಂಡು ಸಂವಾದ ಡಾಟ್ ಕಾಂ ತನ್ನ ಮುಂದಿನ ಶಿಬಿರದ ತಯಾರಿ ನಡೆಸಿದ. ಈ ಚಿತ್ರದ ಕುರಿತಾದ ಹಲವಾರು ಗಂಭೀರ ಲೇಖನಮಾಲೆ ಸಂವಾದ ಡಾಟ್ ಕಾಂ ನಲ್ಲಿ ಹರಿದು ಬರಲಿದೆ.

೦೮-೧೦-೨೦೧೦